منتديات احباب واسط
أهلاً بك يا ضيفنا العزيز انت غير مسجل في منتدى أحباب و اسط يمكنك التسجيل بالضغط على كلمة ( تسجيل ) او يمكنك تسجيل الدخول من (دخول)
منتديات احباب واسط
أهلاً بك يا ضيفنا العزيز انت غير مسجل في منتدى أحباب و اسط يمكنك التسجيل بالضغط على كلمة ( تسجيل ) او يمكنك تسجيل الدخول من (دخول)
منتديات احباب واسط
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.




 
الرئيسيةأحدث الصورالتسجيلدخول

 

 هنا يمن جنة و جنت

اذهب الى الأسفل 
كاتب الموضوعرسالة
نور
عضو فعال
عضو فعال
نور


انثى
عدد الرسائل : 243
العمر : 30
البلد : العراق
هواياتك : العزف
نقاط : 8
تاريخ التسجيل : 11/04/2008

هنا يمن جنة و جنت Empty
مُساهمةموضوع: هنا يمن جنة و جنت   هنا يمن جنة و جنت Emptyالجمعة يوليو 04, 2008 1:06 am

هنا يمن جنة و جنت


اهنا يمن جنة او جنت ...جينة او وكفنة ابابك
ولف الجهل ما ينسي اشمالك نسيت احبابك
ولفك نسيته ادولشت لو شالك اعليه الغوه
كلبي انجوة ابنار الهوة ... شنهو الدوة نكعد سوة ..
حاسبتك من اهل الوفه ...او جاعلتك لعيني ضوة
او من ابتدي يطول العتب بس افك باب اعتابك
اهنا يمن جنة او جنت ...
شيصير يا غادي الجده لو جان بحبابك تمر
ما جا عرفت آنة الهوة لو ما ودادك من زغر
ما قصرت من هاجرت حطيتلك بيه وكر
احيه واموتن وانتشر والكي وجع بصوابك
اهنا يمن جنة او جنت..
اصوابك ابلب الكلب بدواه آنة محتارة
اشكلما اجالة يعرض وانت اصبحت فجارة
مدري الدواليب الهوة اهتم وادور جارة
مدري اهتم الوكتي اليجي .. مدري اهتم ابدولابك
اهنا يمن جنة او جنت..
دولابك اعظم فرتة وانخاك آنة جا وينك
اتمنة ينفج الكلب.. حتى تشوفه ابعينك
ما جا نسيت اللي مضه ..ما بيني او ما بينك
يا ريت سهم الصابني ..مثلي اعتناك او صابك
اهنا يمن جنة او جنت ..
صابك مثل ما صابني سهم الهجر
ضنيت بيك احسن ولف ..كلت اكضي وياك العمر
امنين وكتي لفلفك .. جابك علي من يا كتر
هاشك نصيبي او جابك
اهنا يمن جنة او جنت..
هاشك نصيبي او قسمتي او من الله موعوده وعد
من دون حل امتيمة الهم حليفي والسهد ..
جسمي نحل.. عقلي انذهل . كلي اشبعد
ما تلكي مثلي امتيمة لو دورت مشخابك
اهنا يمن جنة او جنت..
مشخاب دوره ولا تظن مثلي اتحصل وحدة بعد
من خوفي امشي امكابر من اهل الشماتة والحسد
وآنة انخذلت وما احرزت غريتني ابذاك الوعد
اللي سده عليه او جره هوه ترة من اسبابك
اهنا يمن جنة او جنت ..
السبب انت العلتي واشماله كلبك جاسي
انتبه واصحه وافتكر واتصور انت اشناسي
لابد الي حوبة او جرد لله ارد اجشف راسي
وادعي عليك ابكل وكت يللي نسيت اربابك
اهنا يمن جنة او جنت..
رب الجهل ما ينسة يالتاه بيك ازماطي
جم مرة خيطت الجرح ما نفع بيه اخياطي
كل فرد عنده احساب اله لاجن مصيب او خاطي
وانت يمفكود الرشد تايه تراهو احسابك
اهنا يمن جنة او جنت..
ما حسبت تنسه الولف ..وايامك اوياه المضت
خليتني مثل الذي حتة ابرجلهه ما حضت
انجانك جاتل جتل الجلوه يمحمد كضت
وانجانك بدر او غبت هم تهل بعد اغيابك
اهنا يمن جنة او جنت ..
غيبتك مثل اهل الكهف ظنيتك اوياهم نمت
كلي اللحية اشفادتك يا صنعة منها اتعلمت
ربيت الك لحية جذب واتسبح ابسبحة كمت
لو صرت خير بالجذب ..فكرك الناس اتهابك
اهنا يمن جنة او جنت..
لا هابك ولا لي رجه ولا لي طمع يم كل فرد
صار الوفه تجفي او تصد واتمرد ابكلبي مرد
عمك اجويعد بالنده وينتظر فرصة ابها لبرد
وانت تريد اله نجي وانجرك من اثيابك
اهنا يمن جنة او جنت ..
من ثوبك انجرك مثل ما جرت ازليخة ثوب
بوسف وهية الشكتة..او راودني كالت جم نوب
انت تريد ابهالصفة يفعل اوياك المحبوب
العنده شاة ابهل الوكت ..كله جثيرة اذيابك
الرجوع الى أعلى الصفحة اذهب الى الأسفل
http://www.ahbabwasit.yoo7.com
 
هنا يمن جنة و جنت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احباب واسط :: الإدارة العامة :: قسم المواضيع المكررة و المحذوفة-
انتقل الى: