منتديات احباب واسط
أهلاً بك يا ضيفنا العزيز انت غير مسجل في منتدى أحباب و اسط يمكنك التسجيل بالضغط على كلمة ( تسجيل ) او يمكنك تسجيل الدخول من (دخول)
منتديات احباب واسط
أهلاً بك يا ضيفنا العزيز انت غير مسجل في منتدى أحباب و اسط يمكنك التسجيل بالضغط على كلمة ( تسجيل ) او يمكنك تسجيل الدخول من (دخول)
منتديات احباب واسط
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.




 
الرئيسيةأحدث الصورالتسجيلدخول

 

 اجمل ابيات الدارمي

اذهب الى الأسفل 
كاتب الموضوعرسالة
ابن الاسباط
نائب المدير العام
نائب المدير العام



ذكر
عدد الرسائل : 63
العمر : 37
البلد : العراق / واسط / قضاء الحي
هواياتك : الرسم / الشعر / الحاسوب / مصور فوتو وفيديو ( مونتاج )/حب الخير للناس /وكل شيء جميل
نقاط : 189
تاريخ التسجيل : 26/06/2008

اجمل ابيات الدارمي Empty
مُساهمةموضوع: اجمل ابيات الدارمي   اجمل ابيات الدارمي Emptyالخميس يونيو 26, 2008 9:16 am

ما تنسمع رحّاي بس آيدي أدير
أطحن بكايه الروح موش أطحن اشعير
*****
أطحن واكضي الليل عن المأ ريده
بالكذله أصبح شيب من مدة ايده
*****
موش أطحن شعيرات أطحن بهمك
أكعد ودور الروح تلكاهه يمك
*****
ما تنسمع رحّاي بس بجيّ مسموع
جاتلني والله هواي ما منه مرجوع
*****
متحزمه وانكل شوك (للفود)أدفيه
بغشيش ألك يالموت؟من عندي دخفيه
*****
ضيجة خلك بالبيت رجلي آنه اشوفه
صاحت علىّ الناس جن أرد اعوفه
*****
الودر..؟ جاني ينام والشمس عدله
والله بجلب مجلوب لوصح أبدله
*****
وين اليفك مظلوم وين الله وينه
يتركرك عله جلاي هذا الحضينه
*****
أتكلي أمي اخذيه اكرع وشايب
أتلمس بعلباه مامش كصايب
*****
زفوني نص الليل للبرد حيله...؟
حبني وترسني اتفال من وره الشيله
*****
الحجي بس وياي ناكص بالعيار
كلهن يكسرن جوز وآنه أكسر حجار
*****
كل الشيوب التموت شيبه يتجدد
رآيه وسبع خرفان يومن تمدد
*****
كالولي رجلج مات موتة جلبنه...؟
النخل بيه جريد والصاري عدنه..؟؟؟
*****
أيكلي همي العشه خلينه نشبع نوم
الما تريده النفس جالشركه بالزردوم
*****
يا فلان اجاك وليد حظك غلبني
اوصل لباب الدار يبجي ويردني
$$$$$
أرجه اليموت يعود روحي أمهبوله
طبكت عليه الكاع ما بعد أنوله
*****
كلجن يمظلومات للكاظم امشن
ويم سيد السادات فكن حزنجن
*****
شايله فرخ(لكعيم ) مالج يابطني
ربطة شفج بعذار ربي ربطني..؟
*****
آخذله دمع العين وأصعد للأزرك...؟؟؟
لو ينعل الشيطان لو يجسم ! الحك
*****
جيبولي جدر النيل خل اصبغ الثوب
تو أيس الدلال منهم فرد نوب
*****
مثل الجدع ممدود مطلوني يمه..؟
كلما يجي ويروح بيدي أغمه
*****
ريت العمامه أحدار كش ول يامومن..؟؟؟
من كونه موش هواي لكبع وكومن
*****
وينج ووين الرجل بعدج زغيرونه
عيونج فشك مستحه للحرب يريدونه...؟؟؟
*****
خطار أهلنه منين هاشم يديه
بس لا تكوليش لا خطاب اليه
*****
مو كلشي نتمناه يوكع بدينه
أحنه السفن والريح تلعب علينه.؟
*****
آي والعرش واللوح والبلعته الحوت
نارك بلب أحشاي تلتهب للموت
*****
والحجر وأهل البيت والحج والحرام
كل ساعه من فركاك(يشكر )بالف عام
*****
غصبن عله الروح جابتني اشوفك
جثر الهه بالصدعات بلجن تعوفك
*****
مهضومه جيت أنخاك كلهم ولوني
لالي ولي بهل دار أهلي نسوني
*****
وشبعد وشخليت تنغط يالغراب
تنذجر ماتنشاف خليت الاحباب .؟
*****
كالولي منهو ذاك كلتلهم هواي
شنهو العلامه البيه.؟رف كلبي وجلاي
*****
ما نمت ربع الليل نشدوا ألمخده
وآنه حلمت بهواي خدي عله خده
*****
أحزن حزن معدان وارجي العصابه
ويه أم رجل وفروخ عوجه الطلابه
*****
يا مجوره وين تردين زينه نزلنه
كل أحنه نمشي وياج ونعوف أهلنه
*****
اليون تالي الليل لا بد عله اسباب
لو دهر موجر بيه لو ذاجر أحباب
*****
ظل ابجي طول الليل ابدن ما أهزك
لو جنت ابن هواي جان اشمعزك
*****
أتنخه بالنسوان خيه أبجن أبجن
نوبه عله ولفي الراح نوبه عله هلجن.؟
*****
شيخصهه بيه الناس رجلي أرد أجويه
يركض وره اليمشون صاير طبع بيه
*****
ربي انتجلت عليه ...جوزني حايج
يتعاركن رجليه مثل الشرايج
*****
شو دمش عني غاد ول ول يبو أركب
ليهّ ما يخلقك زين من كون ألك رب...؟؟؟
*****
يا من تبدل وياي رجلي برجلهه.؟
ونعادل أبميزان والزايد الهه
*****
لو تون لو ترتاح لو تلزم الباب
جنك جدع ممدود ما بين الاحباب
*****
أرد اللعب بدنايّ ما طالت ايدي
الفكر والشبعان خامه أبمجيدي
*****
عود أبعدت واسلاك غمك لهالراي
تعرضلي وكت الزاد وبشربة الماي
*****
حبله وأهز كاروك سبعه لي اللعبون
ما جوز آنا! من هواي كلكم تشهدون
*****
من زار رجلي وجاي أنسلت خيطه...؟؟؟
خليني وي اهواي أخذلي ميطه ..؟؟؟
*****
العتب موش عليك عتبي عله لعكال
شوماكلت من أول شوط مابيه تطوال..؟؟؟
*****
والبيدي والبلكاع وعله امتوني
ماجوز انا من هواي لو كطعوني
*****
عمتك زينه وياك عمتي اشعمه
حته الهوه من هواي ما ترضه اشمه
*****
همي وهم هواي وهم الله فوكه...؟؟؟
تفتر عليه الناس جن عندي بوكه
*****
هواي أريد هواي هواي أريده
ما كوم آنا مناه ألا أيدي بيده
*****
ظل أبجي ما خليك ترضع حليبي
أنت وابوك تروح فدوه الحبيبي...؟؟؟


محبتك بالگلب كومة .. ومنك ما تجيني النومة
يروحلك فدوة المالكي وكل الحكومة
ـ
أحنه بالحب مدفعية .. وبالرسايل قاذفات
صدگني لو يخلص رصيدي نشتغل بالهاونات
ـ
أحبك كثر سكان الصين
وعدد قواطي البيبسي بالدكاكين
وأزمة الگاز والبنزين
ـ
إرهابي ليش صاير مو أنت حباب
فجرت گلبي شبيك سويته عطاب
ـ
هواي من البشر حلوين .. بس أنت لك ميزة
تدخل للگلب تهريب ما يحتاجلك فيزة
ـ
هم قصف هم قناص هم مدفعية
هم شوفة الغاليين حسرة علية ؟
ـ
كون أنگلب قانون وأحكم حكم عام
وأحكم على الينسون كلهم بالإعدام
ـ
لا غاز ولا گاز ولا رؤية الاعزاز
لا ماء ولا كهرباء ولا رؤية الاقرباء
لا تموين ولا بنزين ولا رسائل من الحلوين
ـ
أخطب شلع بالناس والساحة تشهد
وأعلن حظر تجوال لو غثك أحد
ـ
سلام ميسلمون ، سؤال ما يسألون ، رسالة ميدزون
راح أفخخ روحي بلكي بالفاتحة يجون
ـ
أحبك حب عجيب .. حب إرهابي بس شغله مو تخريب
وما يفرقني عنك حتى لواء الذيب
ـ
من گلبي أجر أسلاك حتى أتصل بيك
فدوة الرصيد يروح بس كون أحاچيك
ـ
لا آلو .. لا ترميش .. لا منك أخبار
ردنه خمس سنتات .. ما ردنا دولار
ـ
مجبور أدك أرقام تجبرني إيدي
دم گلبي أخلصه عليك مو بس رصيدي
ـ
أرسلك ألف بوسة .. بوسة تغار من بوسة
وأرسلك حنين وشوق يسوون الگلب هوسة
ـ
أنت النفس والروح ومن جسمي قطعة
والقلب لو ينساك من صدري اشلعه
ومن تجي منك رنة أحس روحي بالجنة
يرحون فدوة لعيونك أكراد وشيعة وسنة
ـ
أحبك حب ما ينكتب وصفه
أو عليك الگلب مثل الذهب وصفة
عليمن يكتب الدكتور وصفه
إذا عينك والشفايف صيدلية
ـ
أموت حسرة وقهر لو انت تنساني
وأرضى أعيش بسجن لو أنت سجاني
ـ
عن حبي إذا سألوك لا تنطي تفسير
سر مثل دم كليب وي سالم الزير
ـ
اذا تنسون ما ننسه .. أنتم للگلب شمسه
ياريت الدرب خطوات نجي ونشوفكم هسه
ـ
لا تضن يوم أنساك يلتسوه كل شي
تسوه العدل والمات والتوه يمشي
ـ
خيط وخرز ضليت سبحة آنة بيدك
مو صوچي ، صوچ الروح هي التريدك
ـ
مخبل وأحبك موت حب يهدم الحيل
عاد انت شوف شلون حب المخابيل
ـ
فهمني يالمحبوب موقف حضرتك
بالگلب كاعد ليش قابل غرفتك ؟
ـ
أحبك والنبي المرسل .. أموت عليك والزهرة
مثل حبي فلا موجود من دهوك للبصرة
ـ
أسأل عليك شصار ما راسلتني
سنتاتك مخلصات لو زاعلتني ؟
ـ
كلك ذهب يا ذهب .. مابيك ذرة تراب
والصادقك ما خسر لا وحگـ داحي الباب
ـ
هاك الگلب والروح وعيوني أخذهن
دوم الك مشتاقات خلصني منهن
ـ
نسيانك شبيه الموت وذكرك في وسط جنة
حبك بالگلب منحوت أموت بقربك أتمنى
ـ
والحجر وأهل البيت والكافل أخته
والله من أعد أحبابي أولهم انت
ـ
تسلم يا بعد الروح يسلم لسانك
بين الگلب والروح صاير مكانك
ـ
من أغمض أحلم بيك .. ومن أزعل احن عليك
ومن اصفن افكر بيك .. والكعبة أموت عليك
ـ
لو راح عطر الورد عطرك يضل يفوح
شما طال بينا البعد ساكن تضل بالروح
ـ
ذبحني الشوگ يا روحي وأحس الروح محتارة
تمنيت الگلب يمك تطفي بشوفتك ناره
ـ
ابقى على حبك دوم لمن أموتن
وخل يكتب الدفان قبر المسودن
ـ
معذبتني هاي الروح بس تسأل عليك
أتمنى عندي جناح كل ساعة أمر بيك
ـ
تدري شوكت أنساك وبخاطري تهون ؟
من تلگه أسمي هناك بالنجف مدفون
ـ
شگد أخاف عليك وشگد أهم بيك
حزب الله لو يرضون نصر الله اسميك
ـ
أدعي الله والعباس سالم يخليك
تنساني لا ما اريد بس هاي اوصيك
ـ
ازحف وجيك ازحوف بس كون اشوفك
بطرانه هاي الناس يردوني اعوفك
الرجوع الى أعلى الصفحة اذهب الى الأسفل
 
اجمل ابيات الدارمي
الرجوع الى أعلى الصفحة 
صفحة 1 من اصل 1
 مواضيع مماثلة
-
» اجمل مساجد في العالم
» اجمل قصيدة للخيااااااااااانة منقوله

صلاحيات هذا المنتدى:لاتستطيع الرد على المواضيع في هذا المنتدى
منتديات احباب واسط :: الإدارة العامة :: قسم المواضيع المكررة و المحذوفة-
انتقل الى: