--------------------------------------------------------------------------------
...شكد ردت انسه وكلت يمكن نسيت وما نسيت
...............وجنت حالف ما اجيك وغصبن عليه اجيت
.........ومن شفت وجهك غريب اتعثرت بالعيب من روحي استحيت
.................... وغمضت بس ما غفيت ....
( الدمعه عيب )
.... اعيونك اتكلي تعال وانه شاعر انه ما رباني ذيب
........................ شكد جنت مشتاك اشوفك انه حسبالي اطيب
....... وردت ابوسك بس شفت وجهك غريب
... ولاتكلي القسمه بالحظ والنصيب
.... ولاتكلي الملح يرهم للحليب
وجنت احط روحي مسيح حته اشبكنك صليب
........... وقشمرت روحي اغمض حته انام
.................... اشلون انام وشايل بكلبي قضيه
.......... وانته عنوان وهويه
.. اشلون انام وانه اشوفك بالعشك شوفت خطيه
..........اشلون انام وانته ياما وياما تتعب وترتاح من نكعد سويه
...... وانته ياما وحشة الليل الطويل اتنام وعيونك عليه
............ (( وانته ياما سلمة روحك بديه ))
............ شكد تغدينه وتعشينه عذاب
....... وبالشمس ياما كعدنه اسنين ما مر بينه في
.............................. وركدت اعلينه الثياب
................. شعلمك طبع الذياب
.............وانته ذاك العلمتني منين ابوسك
...............................حته يوميه الفجر نرجع شباب
................. وانته ذاك العلمتني اشلون اشبع نوم بفراشك انام
................ اشلون انام وانته صوب وانه صوب
........................................ وكالو العبره حرام
........... ولذالك قررت اتوسد اوراقي وانام
............... واطوي صفحه انكتبت (( 30 )) عاااااااااااااااااااام
....................... . فوداعا
..................................... يا حبيبي
................................................. والسلاااااااااااااام
الخميس أبريل 24, 2008 10:50 am